Umuhagarikizi w’umurundi yizewe na CAF

Mu ntango z’indwi buca dutangura, ishirahamwe ry’umupira w’amaguru muri Afrika ryarizeye abahagarikizi bane b’abarundi kugira bazohagarikire urukino ruzoba ruriko ruhuza igihugu ca Lesoto n’igihugu ca Ghana, ibihugu vyompi bizoba biriko bihiganirwa ikibanza co kuja mw’ihiganwa ry’igikombe c’isi yose rizobera mu gihugu ca Brésil, mu mwaka w’2014 buca dutangura.

Ku kibuga ca Setsoto, umuhagarikizi Thierry Nkurunziza muri urwo rukino ruzohuza Lesotho na Ghana azoba ariko afashwa n’abarundi nyene Ramadhan Nijimbere, Hervé Kakunze na Eric Gasinzigwa.

Iryo rikaba ari iteka ku gihugu c’Uburundi kiguma cizerwa, bigatanga n’icizere ko no mw’ihiganwa ry’igikombe c’isi bazotumwako mu gihugu ca Brésil mu mwaka w’2014.