Jose Mourinho yaciriwe ihadabu kubera gutukana kwiwe

José Mourinho amenyereza umurwi wa Chelsea yaciriwe ihadabu kubera yifatiye mu gahanga umuhagarikizi. Aho hari mu gihe umurwi wiwe wa Chelsea waruhejeje gutsindwa n’umurwi wa SunderLand.

Kw’igenekerezo rya 19 Ndamukiza, umurwi wa Chelsea watsindiwe i wabo n’umurwi wa Sunderland ibitsindo 2-1. Uko gutsindwa kwaje inyuma y’inkino 77 zari ziheze umurwi wa Chelsea idatsindirwa ku kibuga cayo. N’agashavu kenshi, urukino ruheze, uwo batazira "The special One" ariwe José Mourinho, aca yifatira mu gahanga Mike Dean yahagarikiye urwo rukino. Yavuze amukekeza ati:"harya uri n’ico wakoze nawe!" n’ayandi majambo batashimye kwandika. Ni ko rero gucibwa ihadabu angana 12.200 y’amafaranga y’amanyaburaya.

Tubibutseko Chelsea ifise ikibanza ca 3 mu mahiganwa yo mu Bwongereza. Ikaba ifise amanota 79, Sunderland yayirahiye ifise ikibanza ca 14 n’amanota 38. Ivyo rero bikaba bishobora kuba ari kimwe muvyoba vyatumye Mourinho aterwa n’agashavu agaheza avuga nabi.