Umunyamerika amaze imyaka 5 yibagisha kugira ase na Justin Bebier

Umunyamerika yitwa Toby Sheldon ntahagarika kwibagisha mu maso kugira arabe ko yosa na Justin Bebier. Ukwo kwibagisha amazemwo imyaka 5 kumaze kumutwara amahera 100 000 vy’amadorare y’amanyamerika.

Toby Sheldon, imbere y’ukwibagisha hamwe n’inyuma y’ukwibagisha

Uwukunda ngo ntaharura. Toby Sheldon, umunyamerika w’imyaka 33 y’amavuko, afise ugushaka kudasanzwe kwo gusa n’umuririmvyi w’umuyabaga Justin Bebier. Mu myaka 5 iheze, Toby amaze kwibagisha mu maso incuro nyinshi cane kugira arabe ko yosa na Justin Bebier, umuririmvyi akunda cane. Ukwo kwibagisha bikaba bimaze ku mutwara amafaranga agera ku 100 000 vy’amadorari y’amanyamerika.

Umuntu yihweje amasanamu yasohotse mu binyamakuru vyo muri Leta Zunzubumwe z’Amerika, uwo musore w’umunyamerika, Toby, yarihinduje mu maso hiwe. Ukwibagisha nako aheruka gukoresha akaba kwari ukwibagisha iminwa. Ivyo bikaba vyamutwaye amahera agera ku 11 000 vy’amadorare y’abanyamerika, kugira aronke intwengo isa na Justin Bebier. Ukwo kwibagisha kukaba kwamufashe ukwezi kwose kugira akire inguma.

Toby Sheldon inyuma yo kw’ibagisha/ isanamu ya Justin Bebier