Accueil > Amakuru > Utuntu n’utundi > Umufaransakazi akotesha igikiriza ciwe ku mahera 100 €
Umufaransakazi akotesha igikiriza ciwe ku mahera 100 €
mercredi 7 Myandagaro 2013
Umugore w’umufaransa yagize itangazo ryo kurondera uwokota amabere yiwe ku mehera y’amanyaburaya 100 (100€) ku munsi. Ivyo bikaba vyaciye kurubuga ngurukanabumenyi e-loue.com.
- Itangazo uwo mugore yashize kuri e-loue.com
Rwoba ari urudandaza rushasha rwavutse?...urubuga ngurukanabumenyi rwa e-loue.com rwaracishije kuri rwo itangazo ry’umugore agomba gukotesha amabere yiwe mu kwonsa. Uwo mugore yagize iryo tangazo akaba ari umufaransakazi aba i Paris, afise umyaka 29. kandi ni umuforoma. Avuga ko gukota igikiriza ciwe biri kugiciro c’amahera 20 y’amanyaburaya kw’isaha (20€) canke 100 ku munsi (ibihumbi nka 220 vy’amahera y’amarundi ku kwezi). Uwo mugore ati: “Nshoboye kwonsa incuro cumi ku munsi”. Akamo kiwe ngo akaba yagateye ahanini abubakanye basangiye igistinagabo, bafise uruyoya.
![](local/cache-vignettes/L350xH443/femme_qui_allaite-20553.jpg?1517374717)
Alexandre Woog, umuyobozi w’urubuga ngurukanabumenyi e-loue.com avugako ari ibintu vyimboneka rimwe kandi binatangaje. Ariko akavugako ari : “Ni ugufasha abantu mumvyo batishoboje. Ni ingendo nshasha mw’iterambere ry’abarera abana bakanabonsa”. Ivyo yabimenyesheje inyuma yaho urubuga arongoye rushize ahabona itangazo ry’uwo mugore w’umufaransakazi. urwo rubuga rukaba rufise icivugo kivuga giti:"kumwe na e-loue, vyose birakoteshwa"( avec e-loue, tout se loue).
INGABIRE Luc-Noël