Umurizo wiwe utuma abantu bamufata nk’ikimana cabo

Umugabo avuka mu gihugu c’Ubuhindi yavutse nk’abandi bose, ariko uko akura niko umurizo yavukanye nawo uguma ukura ukamera nk’uw’inkende. Abantu bo mw’ico gihugu bamubonamwo ikimana cabo.

Chandre Oraon afise umurizo nk’uw’inkende ufise uburebure bungana centimetero 36. Kuva akiri muto, yagumye abona mw’ifyinga ryiwe hakura ubwoya nawe arabureka none ku myaka 35, afise bwacitse umurizo. Mu gihugu c’Ubuhindi afatwa nk’ikimana kuko bamugereranya n’inkende yitwa Hanouma ifatwa nk’imana ikingira amagara y’abana indwara kandi imana y’umunezero ku nzoya.

Chandre rero abantu benshi bava mu mihingo itandukanye yo mu Buhidi baraza kumwitura kugira ahezagire abana kandi yongere atanga imihezagiro mu gukora kuri uwo murizo. Ico gitangaza c’umugabo amenyesha ko bamutera ingorane kuko bamutesha umwanya yo kwiyamurira agahawa nk’abandi banyagihugu kuko abo baza kumurondera nta n’ifaranga bamuha.