Umurwi Al Shabaab wemeye kuba wateye muri Kenya

Umurwi w’abarwanyi ba Islam wo muri Somalia, Al Shabaab, wemeje ko ariwo wakoze igitero mu gisagara kiri mu buseruko bwa Kenya, ico gitero cahitanye abantu bashika kuri 48.

Abantu bitwaje inkoho barashe abanyagihugu banaturira amahoteri, ibiro vy’igipolisi hamwe n’ahadandarizwa ibitoro i Mpeketoni, hafi y’izinga rya Lamu mw’ijoro ryo ku munsi w’Imana w’indwi twaraye dusozereye.

Abamenyeshamakuru bashitse kuri uwu wa mbere aho kuri ivyo biro vyatewe bavuze ko hari hakimota ibintu vyahiye, babona imyotsi igifurufumba ku miduga yaturiwe. Abo bamenyeshamakuru bavuga ko yabwiwe ko abo bitwaje inkoho bategetse abantu kuvuga imirongo y’ikorowani , bibananiye bagaca babarasa.

Al Shabaab yasiguye ko ivyo yabikoze mu gusubiriza igihugu ca Kenya mu ndumane, kubera carungitse abasirikare muri Somalia, hamwe n’ihohoterwa rigirirwa aba Islam muri Kenya.