Accueil > Inkino > FOOTBALL > Umurwi CDIF - Intwari mu myiteguro yo kuzokwitaba ihiganwa muri (...)
Umurwi CDIF - Intwari mu myiteguro yo kuzokwitaba ihiganwa muri Hollande
jeudi 26 Nyakanga 2013
Umurwi wa CDIF (Centre de Détection et d’Initiation au Football - Intwari) ugizwe n’abana bato bariko bamenyerezwa gukina umupira w’amaguru. Mu minsi yahera, bari baronse akaryo ko kumarana indwi zibiri n’umumenyereza Van yaje ava mu gihugu c’Ubuhorande. Yarashimye ukuntu bakina aca afata intumbero yo kubandikisha mw’ihiganwa ry’imirwi y’abatarenza imyaka 15 rizobera mu gihugu ca Hollande umwaka w’2014
Nk’uko ikinyamakuru IGIHE canyarukiye aho uwo murwi usanzwe ukorera imyimenyerezo kuraba uko imyiteguro imeze, Karaveri Rurakanye (Abega) akurikiranira hafi ibikorwa vy’uyo murwi yamenyesheje ko batanguye imyiteguro y’iryo higanwa rizobera mu gihugu c’Ubuhorande mu mwaka w’2014, rikazohuza imirwi y’abana bafise munsi y’imyaka 15 bavuye mu bihugu bitandukanye vyo kw’isi yose.
- Karaveri Rurakanye (Abega) akurikiranira hafi ibikorwa vy’uyo murwi
Nk’uko Karaveri Rurakanye "Abega" yabimenyesheje, umumenyereza Peter yaciye asaba uburongozi bwa CDIF - Intwari ko bakwiye gutanguza kugirisha abana imyimenyerezo yo kwitegurira iryo higanwa. Akamo barakitavye, ubu imyimenyerezo bakaba barayitanguye, aho bazoza baragira imyimenyerezo gatatu mu ndwi.
Rurakanye Karaveri "Abega" arashimishwa n’intambwe abana bafise mu mupira w’amaguru kuko bigaragaza kazoza keza, akamenyesha ko bokwitabwako uko bikwiye Uburundi bwoba bufise imirwi ikomeye mu myaka iri imbere.
Joel Sengurebe
