Intamba mu rugamba : Abatarenza imyaka 20 bashitse i Kigali kwitegura

Umurwi w’intamba mu Rugamba w’abafise munsi y’imyaka 20 ubarizwa mu gihugu c’Urwanda. Witavye urukino rwa kivandimwe ruzowuhuza n’umurwi w’Amavubi wo muri ico gihugu. Ni mu ntumbero yo kwitegurira urukino ruzohuza umurwi w’Uburundi n’umurwi wa Djibouti mu ntango za Ndamukiza.

Intamba mu Rugamba Junior

Mu gihe hasigaye iminsi idashika 7 kugira Intamba mu Rugamba zifise munsi y’imyaka 20 zitabe urukino ruzowuhuza n’umurwi wa Djibouti ruzoba kw’igenekerezo rya 4 Ndamukiza muri ico gihugu nyene, imyiteguro irabandanya mu nkino za kivandimwe. Ni muri iyo ntumbero abakinyi b’abarundi bari i Kigali, aho bukera kw’igenekerezao rya 27 bazokina urukino rwa kivandimwe n’umurwi w’Amavubi yo mu Rwanda.

Mwomenyako imbere yo gufata urwo rugendo, umurwi w’Intamba mu Rugamba wahuye n’umurwi wa Messager Ngozi ku kibuga Rukundo co muri iyo ntara nyene. Urukino rwaheze ku gitsindo kimwe c’Intamba mu rugamba ku busa bwa Messager Ngozi. Urundi rukino rwahuje umurwi w’Intamba mu rugamba n’umurwi wa Inter FC, hari ku kibuga citiriwe umuganwa Ludoviko Rwagasore. Iyo mirwi yompi yatahanye ubusa ku bundi.

Abakinyi b’Intamba mu rugamba batarerarenza imyaka mirongo ibiri batowe ni :
 Fabrice Messi : Ludic Burundi Academic
 Bruce : Vital’O FC
 Hussein : Messager de Bujumbura
 Bienvenue : Messager de Ngozi
 Moussa Omar : Flambeau de l’Est
 David Nshimirimana : Flambeau de l’Est
 Patient Muhuza : Royal FC
 Uwayezu Nice : Messager de Bujumbura
 Issa Hakizimana : Lydia Ludic Burundi Academic
 Nassor : Athletico FC
 Pascal : Lydia Ludic Burundi Academic
 Fofo : Vital’O FC
 Emery : Ludic Burundi Academic
 Hassan : Inter Star FC
 Idrissa Ramadhan : Messager de Bujumbura
 Alexis : Athletico FC
 Kevin : Athletico FC
 Enock : Messager de Ngozi
 Olivier : Messager de Ngozi
 Manu : Lydia Ludic Burundi Academic
 Trésor : Athletico