Accueil > Inkino > FOOTBALL > Umurwi wa Atletico Olympic usabwa gutsinda urukino rwo kuri uwu wa (...)
Umurwi wa Atletico Olympic usabwa gutsinda urukino rwo kuri uwu wa mbere
lundi 11 Myandagaro 2014
Inkino za CECAFA KAGAME Cup 2014 zirabandanya ku bibuga bitandukanye vy’igihugu c’Urwanda. Umurwi wa Vital’o waratsinze umurwi w’igihugu ca Somaliya bitawugoye naho Atletico Olympic utashoboye gutsinda APR yo mu Rwanda. Iyo mirwi iriko iserukira Uburundi ifise inkino za kabiri kuri uwu wa mbere..
- Umurwi wa Atletico Olympic
Urukino rwahuje umurwi wa Vital’o n’umurwi Benadir wo muri Somaliya rwaroroheye cane umurwi w’Uburundi kuko ibitsindo 5 kuri 1 vyinjira bitagoranye. Urundi rukino rwahuje umurwi wa Atletico Olympic na APR yo mu Rwanda. Ntivyoroshe hagati y’iyo mirwi kuko igitsindo c’umurwi wa APR cabonetse mu mwanya w’agasunuzo, gutyo Atletico ica itsindwa kimwe ku busa 1-0. Umurwi wa Atletico usabwa gutsinda urukino uza gukina na Police yo mu Rwanda kuri uuw wa mbere.
- Umurwi wa APR
Inkino zarabandanije ku w’Imana igenekerezo rya 10 Myandagaro, inkino zabaye hagati y’imirwi ikwirikira :
Isaha indwi (13h00), hakinye umurwi Telecom wo muri Djibouti na KCCA wo muri Ouganda. Telecom watsinze 2 kuri 1
Isaha icenda (15h00) hatanye mu mitwe KMKM wo muri Zanzibar na Azam wo muri Tanzaniya. Azam yatsinze 4-0
Isaha cumi n’imwe (17h00): Adama City yo muri Ethiopiya yakinye na Rayon Sport yo mu Rwanda. Uwo murwi wa nyuma utsinda 2 kuri 1
Kuri iri genekerezo rya 11 Myandagaro inkino zitegekanijwe uko gukwirikira:
Isaha Indwi (13h00): Benadir (Somaliya) ikina na El Merreikh (Sudani)
Isaha icenda (15h00): Gor Mahia (Kenya) ikina na Atletico (Burundi)
Isaha icumi n’imwe (17h00): Vital’O (Burundi) na Police FC (Rwanda)
Amashusho y’urukino rwahuje umurwi wa APR na Atletico Olympic
![](local/cache-vignettes/L600xH401/dscf7186-2-72a5b-953b5.jpg?1517278616)
![](local/cache-vignettes/L600xH401/dscf7182-dd823-ac276.jpg?1517278616)
![](local/cache-vignettes/L600xH401/dscf7200-9e4ac-36a7f.jpg?1517278616)
![](local/cache-vignettes/L600xH401/dscf7192-4a872-f7bf2.jpg?1517278616)
Cherif Nkeshimana
Messages
10 Nzero 2017, 11:57, par Bukuru Diomede
Nivyiza Cane Ndake