Accueil > Inkino > FOOTBALL > Umurwi wa Chelsea waraye usimvye icobo mu gutsinda Paris-Saint-Germain
Umurwi wa Chelsea waraye usimvye icobo mu gutsinda Paris-Saint-Germain
mercredi 9 Ndamukiza 2014
Inkino za Champions League zirabandanye ku nkino zo gusubiza mu gice ca 4 gishira ica mbere (4/1). Mu nkino zo gusubiza, imwe mu mirwi yaraye itekeye, iyindi ironka amahigwe yo kubandanya. Chelsea uzobandanya inyuma yo gutsinda Paris-Saint-Germain, eka na Real Madrid uzobandanya naho Borussia Dortmund yayitsinze.
![](local/cache-vignettes/L630xH420/bc3c7d3e9950dfddda1d4e67e97f8cb1_crop_north-57579.jpg?1517333767)
Inkino zahuje imirwi 4 yariko ikina inkino zo gusubiza yerekanye ibitangaza mu kibuga aho ivyo benshi babonako bidashoboka vyashobotse. Umurwi wa Paris-Saint-Germain waraye uciriwe wa mugani abarundi baca bati:"n’uburi ku munwa burakoroka". Inyuma yaho uwo murwi wari watsindiye iwabo umurwi w’umumenyereza José Mourihno, Chelsea yaraye iwuhinduriye mu rukino benshi batayiha amahigwe.
Umumenyereza Jose Mourihno yari yaje yazikenyeye ziraguma, ijisho ku rindi araba uko umukinyi wese ariko arakina mu kibanza ciwe. Amaze kubona wa mukinyi asanzwe yemera cane Eden Hazard atari yerekana umupira mwiza, yamusubirije na Andre Schurrle ku munota wa 18(18eme min), uwo wanyuma yashitse agira akamaro kuko ku munota wa 32 (32eme min)yaciye yinjiza igitsindo ca mbere. Mourihno aravye akabona ko Franck Lampard atariko aboneka cane yamusubirije na Diemba Ba ku munota wa 66(66eme min). Inyuma y’iminota 22 yaciye yinjiza igitsindo ca 2 hari ku munota wa 87(87eme min) bica biba bitsindo 2 vya Chelsea ku busa bwa Paris-Saint-Germain(2-0). Ivyo bitsindo n’ivyo Chelsea yarondera kugira ibandanye mu gice ca kabiri kuko urukino rwa mbere uwo murwi wari watsinzwe 3 kuri 1.
![](local/cache-vignettes/L620xH387/josemourinho_2876580b-95bd2.jpg?1517333767)
Bamwe bibazako Paris-Saint-Germain ya Laurent Blanc yoba yagize umusuhero w’uko Zlatan Ibrahimovic atakinye canke ko bari bijajaye.
Ku rundi ruahnde, Real Madrid yatsinzwe na Borussia Dortmund ibitsindo 2 ku busa. Ivyo bitsindo ntaco vyayimariye kuko wari watsinzwe ibitsindo 3 ku busa(3-0).
Chelsea na Real Madrid izobandanya mu gice ca kabiri gishira ica nyuma. Hasigaye kumenya ikiva mu rukino ruza guhuza imirwi ya Atletico Madrid na FC Barcelone, n’imirwi ya Manchester United na Bayern de Munich. Mwomenyako mu nkino za mbere iyo mirwi yose yanganijec igitsindo kimwe ku kindi (1-1).
![](local/cache-vignettes/L620xH387/samuel-etoo-getty_2874776b-a5b86.jpg?1517333767)
![](local/cache-vignettes/L620xH387/josemourinho_2876580b-95bd2.jpg?1517333767)
![](local/cache-vignettes/L672xH404/chelsea-v-psg-014-9870c.jpg?1550835925)
Chérif nkeshimana
Messages
9 Ndamukiza 2014, 10:03, par Ntakirutimana Immanuel
muraho babanyi banjye b’abarundi nagarutse mbatera akamo gose nje umunyarwanda guturuka i kigali nagira ngo mpe muraho abakunzi ba chelsea baba ngaho iburundi mbabwirango turikumwe inyuma ya chelsea.
9 Ndamukiza 2014, 14:04, par congolais
ego mugenzi ndinyuma yaw!we ar th blues
9 Ndamukiza 2014, 17:36, par bugingo
kubakunzi ba Chelsea akanyamuneza.com