Accueil > Inkino > FOOTBALL > Intamba mu Rugamba n’umurwi wa Djibouti biteguriye gutana mu (...)
Intamba mu Rugamba n’umurwi wa Djibouti biteguriye gutana mu mitwe
mardi 25 Ntwarante 2014
Umurwi w’umupira w’amaguru w’abafise munsi y’imyaka 21 wo mu gihugu ca Djibouti uriko uritegurira kwakira abakinyi bafise munsi y’imyaka 21 bo mu umurwi nserukira gihugu w’Uburundi Intamba mu Rugamba Junior, hazoba ari mu ntumbero yo kwitegurira amahignwa y’imirwi y’abari munsi y’imyaka 21 yabaye iya mbere iwabo.
![](local/cache-vignettes/L353xH235/tadj-da48d.jpg?1517534527)
Mu ntumbero yo kwitegurira amahiganwa y’imirwi y’abafise munsi y’imyaka 21 azoba mu mwaka w’2015 mu gihugu ca Sénégal ( Préliminaires du Championnat U20 de la CAF, "Sénégal 2015"). Intamba mu Rugamba Junior zifise urukino ruzozihuza n’umurwi w’igihugu ca Djibouti.
Amakuru dukura aho mu gihugu ca Djibouti, amenyesha ko umurwi wabo umaze indwi zibiri uriko witegura kwakira Intamba mu Rugamba. Ayo makuru abandanya atumenyesha ko benshi mu bakinyi bo muri Djibouti bazoba bari muri urwo rukino basanzwe bakina mu cicaro ca mbere (Première Division), ariko ko hari icizere ko Intamba zifise amahirwe yo kubatsinda mu gihe bogira imyiteguro ihagije.
![](local/cache-vignettes/L672xH402/vvvv-f7862.jpg?1550912387)
Mwomenyako urukino rwa mbere ruzoba kw’igenekerezo rya 04 Ndamukiza, ruzobera mu gihugu ca Djibouti, ku kibuga ca Stade Municipal. Urukino rwo gusubiza ruzoba kw’igenekerezo rya 25 Ndamukiza i Bujumbura.
Aho mu gihugu ca Djibouti batanguye guhamagarira abanyagihugu baho kuzosidukana n’iyonka gushigikira umurwi wabo.
Chérif Nkeshimana