Urugamba rukomeye hagati y’imirwi izokina urukino rwa nyuma

Igice ca kabiri c’inkino z’umupira w’amaguru mw’ihiganwa ry’igikombe c’umukuru w’igihugu caraheze, imirwi izotana mu mitwe mu rukino rwa nyuma yaramenyekanye.

Abakinyi ba Lydia Ludic Burundi bari mu karuhuko bahejeje igice ca mbere

Kw’igenekerezo rya 02 Myandagaro, umurwi wa Lydia Ludic Burundi watanye mu mitwe n’umurwi wa Elephants w’i Bubanza. Urukino ntirworoshe kuko igitsindo c’umurwi Lydia Ludic cabonetse barushe. Ku munota wa 75, umukinyi Jean Claude yaciye yinjiza igitsindo cashikanye uwo murwi mu gice ca nyuma.

Lydia Ludic Burundi uzokina n’umurwi wa Messager Ngozi aho watsinze Unite FC. Ikibanza ca gatatu c’igikombe c’umukuru w’i gihugu kizorwanirwa n’imirwi yatsinzwe mu gice ca kabiri c’inkino. Iyo mirwi nayo ni Unite FC na Elephants.