Urutonde rw’ivyirwa ntabanduka bizotangwa mw’ishure shingiro rugiye kuboneka

Inyuma y’ishirwaho ry’ishure nshingiro mu Burundi, ivyigwa bitari bike vyarakozwe mu ntumbero yo gushiraho ivyigwa ntabanduka bizotangwa (progamme définitif) zizotangwa mu mashure nshingiro.

Ivyigwa bizotangwa mw’ishure nshingiro bizoboneka ku wa 15 Rusama 2014 mu ntumbero yo guteza imbere akanovera k’inyigisho, hamwe no gufasha mu gutanga inyigisho zidakumira. Ivyo akaba ari vyashikirijwe n’umushikiranganji w’amashure mato mato n’ayisumbuye muganga Rose Gahiru. Umushikiranganji Rose Gahiru yamenyesheje ko ubushikiranganji buriko burakora ibishoboka vyose, mu gushiraho ibitabu birimwo inyigisho zijanye n’ishure shingiro. Icatumye bateba, bikaba vyavuye ku mwanya ivy’itangwa ry’isoko ryafashe.

Rose Gahiru yamenyesheje ko, abahinga bazoshimikira n’ivyo inyuma y’inyigisho mw’’ishure nshingiro kugira barabe ukungene bahuza n’inyigisho zo mu bindi bihugu vyo mu karere.

Tubibutse ko inyigisho z’ishure nshingiro zifatiye ku myaka icenda, ikaba isubiriye imyaka itandatu yahahora. Ishure nshingiro rero rifise ibice bine igice ca mbere kigizwe n’imyaka ibiri ya mbere, igice ca kabiri kigizwe n’uwa gatatu n’uwa kane, igice ca gatatu kigizwe n’uwa gatanu, n’uwa gatandatu hamwe n’igice ca nyuma, arico ca kane kigizwe n’umwaka w’indwi, uw’umunani hamwe n’uw’icenda.