Accueil > Amakuru > Utuntu n’utundi > Uruyoya rwarokowe ubuzima n’imbwa
Uruyoya rwarokowe ubuzima n’imbwa
mercredi 12 Ruheshi 2013
Pui, imbwa y’imyaka icumi n’ibiri yabaye incungu y’ukuri mu gihugu ca Taillande, inyuma yo kurokora ubuzima bw’ikibondo cari gihejeje kuvuka hama gitabwa mw’iyarara.
Amakuru dukura ku binyamakuru vyo mu gihugu ca Thailand, iyo mbwa izwi kw’izina rya Pui yubuye agasaho kari gatekeyemwo umwana w’umukobwa mw’iyarara riri hafi yaho bita i Bangkok, mu gihugu ca Thaïlande.
Iyo mbwa yaciye iterura aka gasaho gushika n’aho isanzwe iba. Ishitse yatanguye gukuga cane ihamagara shebuja wayo, ashitse yaratangaye cane amaze kwugurura ya saho agasangamwo uruyoya ariho rukivuka.
Uyo mwana rero akaba yari yavutse hatageze apima ikiro kimwe n’amagarama amajana umunani (1,8kg), aho yaciye ajanwa mu bitaro bihegereye.
Abaganga barizeje abantu ko ici kibondo kitegerezwa gukira.
Prosper Ndayikeza
