Umurwi Vital’o wahavuye ushika i Bujumbura

Ku va iminsi yari iheze harindiranywe igishika nta ngere umurwi wa Vital’o, abakinyi b’uyo murwi baraye bashitse i Bujumbura, inyuma yaho bivugiwe ko abo bakinyi bagumye babura indege, bakaba bashitse kuri uyu wa gatanu ku mugoroba.

Umurwi w’Intamba mu rugamba urimwo abakinyi b’igihugu, baje biteguriye urukino n’umurwi wo muri soudani kuri uwu w’Imana igenekerezo rya 7 Mukakaro umwaka w’2013. Uko gucerwa gushobora kwonona urukino rwabo ku musi w’Imana igenekerezo rya 07 Mukakaro 2013, hagati y’umurwi w’igihugu c’Uburundi hamwe n’umurwi w’igihugu ca Soudani kuko muri abo bakinyi ba vital’o, hari abakinyi 5 bakirindiriwe kandi ari nabo bazokina urwo rukino rwo ku munsi w’Imana.

Umuyobozi w’inkino Yohani Vuganeza yamenyesheje ko iryo cererwa ryavuye ahanini ku batunganije iryo higanwa rya CECAFA, kuko iyo iryo higanwa riba ryateguwe na Soudani, igaruka ryabo ryarikuba ryateguwe mu ndwi iheze. Ariko naho biri ukwo urukino bariko bararaba uko urukino rwo ku munsi w’Imana rwogenda neza.