Washington yemeye agashimwe ku wofasha gutuza Boko Haram

Washington yemeye kuva ku musi w’ejo gutanga agahirukabute k’amafaranga y’amadolare imiliyoni 23 ku muntu yotanga inkuru zofasha gufata Mokhtar Belmokhtar, umukuru w’abajihadi canke umukuru w’umurwi w’intagondwa z’abasilamu bo muri Nigeria Boko Haram.

N’abandi bayobozi bo muri Al-Qaïda muri Maghreb bariko bararonderwa n’uwo mugambi bise « agashirukabute k’ubutungane » wa Leta zunze ubumwe za Amerika watangujwe kuva mu mwaka w’1984 ukaba ugamije gutanga amafaranga nk’agashimwe ku nkuru yoba itanzwe igafasha mu gufata canke kwica umuntu canke imirwi y’iterabwoba ibangamiye Leta zunze ubumwe za Amerika.

Twobibutsa ko n’umukuru wa Boko Haram, Abubakar Shekau ariko araronderwa muri urwo rukurikirane rw’umugambi na Leta zunze ubumwe za Amerika wo kurwanya iterabwoba. Abubakar Shekau akaba n’umurwi wiwe Boko Haram bakaba aribo bariko bararwanya igisirikare ca Nigeria mu buraruko bushira ubuseruko bw’ico gihugu ca Nigeria.

Abubakar Shekau, umukuru wa Boko Haram