Accueil > Amakuru > Utuntu n’utundi > Yariko arenga ibigo intambwe ica iramurya
Yariko arenga ibigo intambwe ica iramurya
mardi 12 Ntwarante 2013
Abanyagihugu bo mu gisagara ca kariba muri zimbabwe baguye mu gahundwe aho bumviye umugore w’umubanyi yishwe n’intambwe imusanze aho yariko arabonana n’umukunzi wiwe!
Hari kuri yu wa kabiri uheze mugisagara c’ubukerarugendo ca zimbabwe aho umugore yitwa Sharai Mawere w’Imyaka 43 yajana kwihererana n’umukunzi wiwe mu gashamba kari hirya y’igisagara.
Bakiriko barabikora niho haza intambwe yishwe n’inzara ica isumira babantu. umugabo yarashoboye guhunga. Munyuma yaragerageje gutabaza ariko abantu babonye yiruka ari gusa mw’ibarabara nta n’umwe yahagaritse imodoka ngo aze gutabara kuko bibaza ngo n’umusazi.
Amaze kuronka abaza gutabara baje gushika basanga iyo ntambwe yatabaguye Sharai yamaze gupfa baca baregeranya ibihimba vyari bisigaye.
Abategetsi ba Zimbabwe bavuga ko atari ubwambere iyo ntambwe y’ingore irya abanyagihugu bagasaba ko intambwe zo mumashamba zimaze kurya abantu bozica zose ariko uwujejwe gukingira ibidukikije we agasaba ahubwo ko ibikoko vyose vyokwubakirwa bikazitirirwa ku buryo atakija hanze.
Mwomenya ko iyo ntambwe y’ingore yariye uwo mugore yahavuye yicwa
Sylvere Bavumiragiye
