Yatowe inyuma y’imyaka 30 atawuzi irengero ryiwe

Mu gihugu ca Maroc hatowe umwigeme yari amaze imyaka 30 atawuzi irengero ryiwe. Iyo bamutoye mu kinogo, Aisha ntagishaka kubona umuco w’izuba canke kuraba abantu. Yapfunzwe azira ibisigi.

Aicha yazimanganye ibintu bisiga ubwenge yiga muri kaminuza mu gisata c’indimi, ico gihe yari afise imyaka 30. Inyuma yo kurondera hose bakabura irengero ryiwe, yahavuye aboneka inyuma y’imyaka 30 apfungiwe mu kinogo kiri ku metero zibiri zo mu kuzimu, ku birometero 70 vy’igisagara ca Essaouira kiri mu gihugu ca Maroc.
Amakuru tubandanya dusoma mu kinyamakuru Afriquinfos, Aicha yatawe mu kinogo na musazawe avuga ko bapfa ibisigi vy’abavyeyi babo. Ariko ico citwazo nticakirwa nk’insiguro ikwiye imbere y’abaharanira agateka ka zina mu muntu.

Aisha yamaze imyaka 30 mu kinogo

Mwomenya ko uwo muvandikmwe wa Aicha ari nawe yamutaye muri ico cobo yamazemwo imyaka 30 yahora amugaburira acishije mu gatoboro kari mu ruhome. Ubu rero Aisha ntashaka kuraba abantu canke izuba, kubera kumenyera umwijima yari amazemwo imyaka 30 muri ico kinogo.