Leonardo Dicaprio yatumye umugabo wa Katie Cleary yiyahura

Umugwizatunga wo mu gihugu ca Reta Zunze Ubumwe za Amerika yariyahuye kubera abonye amashusho yerekana uwo bubakanye ariko asomana n’umukinyi w’amareresi Leonardo Di Caprio.

Andrew akiri kumwe na Katie Cleary mu munezero

Andrew Stern w’imyaka 40 yari yubakanye na Katie Cleary ariko bariko bagerageza kwahukana. Kuri uwo wa gatandatu uheze, umugore wiwe yasohokanye n’umukinyi w’amareresi Leonardo Dicaprio. Ivyo bagize vyabonetse ku mashusho. Andrew Stern abonye amashusho yerekana ivyo umugore wiwe na Dicaprio bariko barakora, ku mpamvu y’ishavu, yaciye ahitana ibasitori (pistolet) arirasa aca arasandaba.

Umuvugizi wa Katie Cleary avuga ko hari haheze amezi umunani bahukanye na Andrew, kandi bivuye kuri Katie Cleary. Uwo muvugizi nyene arabeshuza amakuru avuga ko Katie yari asanzwe arenga ibigo akabikorana na Dicaprio nyene. Umuvugizi avuga ko Katie bwari bubaye ubwa mbere avuganye na Dicaprio.