Zimbabwe: Igipolisi canse ko abanyamasendika bagira imyiyerekano

Igipolisi c’igihugu ca Zimbabwe cabujije abanywanyi ba sendika nkuru muri ico gihugu kugira imyiyerekano,inyuma yaho hari abakuwe mu buzi ku buryo budasiguritse.

Japhet Moyo,umunyamabanga mukuru w’ihuriro ry’amasendika mu gihugu ca Zimbabwe ZCTU,yavuze ko igipolisi cabasanze aho bariko bategurira iyo myiyerekano,baca bababuza kubandanya bongera bahagarika bamwe mu barongozi.

Japhet Moyo yavuze ko igipolisi caciye kibashwiragiza kure yahari hategekanijwe kubera imyiyerekano,mu ntumbero yo kwerekana akababaro bafise kubera gutakaza akazi.

Umunyamabanga mukuru w’ihuriro ry’amasendika akamenyesha ko bazobandanya imyiyerekano,akavuga ko yatangajwe no kubona igipolisi gikora ivyo mu gihe bari babimenyesheje abarongozi.