Zimbabwe : Mugabe yagiriza ibihugu vya Buraya gushaka kumuhenura

Umukuru w’igihugu ca Zimbabwe Robert Mugabe avuga ko icegera ciwe ariko akora ibinyuranye n’amategeko kugira ashikire ubutegetsi.

Mugabe akaba agabisha icegera ciwe Joice Mujuru ko ivyo ariko arakora binyuranye n’amategeko, ko kandi ivyo atabwenge abishiramwo. Avuga ko yokwitondera ivyo arimwo, kuko we (Mugabe) yemeza ko abanyagihugu bamuyoboka nk’uko inzuki ziyoboka igitiba, nk’uko yabibwiye abayoboke biwe kuri uyu wa gatatu Kigarama.

Abakurikiranira ibintu hagufi, bakavuga ko uwo mutama w’imyaka igera kuri 90, ivyo yabivuga kugira umugore wiwe ariwe Grace Mugabe, ashobore kuzokwitoza mu kibanza ciwe. Ubu akaba yagiriza ibihugu vya Buraya ko bishaka kumuhenura, biciye ku cegera ciwe Joice Mujuru.