Accueil > Inkino > FOOTBALL > Zinedine Zidane ashobora gusubirira umumenyereza wa Olympique (...)
Zinedine Zidane ashobora gusubirira umumenyereza wa Olympique Marseille
lundi 10 Myandagaro 2015
Inyuma y’umunsi umwe gusa uwahora amenyereza umurwi wa Olmpique Marseille mu gihugu c’Ubufaransa Marcelo Bielsa atanze imihoho,izina rya Zinedine Zidane yahoze akinira umurwi nserukiragihugu w’Ubufaransa aravugwa mu bashobora kumusubirira.
Marcelo Bielsa yatanze imihoho inyuma yo gutsindwa urukino rwa mbere mw’ihiganwa ry’Ubufaransa n’umurwi wa Caen igitsindo kimwe ku busa.Umuyobozi w’umurwi wa Marseille yashize ahabona imiriyoni 7 z’amafaranga y’abanyaburaya azohabwa umumenyereza mushasha.
Hejuru ya Zinedine Zidane asanzwe amenyereza umurwi wa kabiri w’umurwi Real Madrid wo mu gihugu ca Espagne,abandi bivugwa ko bashobora gusubirira umumenyereza Marcelo Bielsa ni,umufaransa Frédéric Antonetti,umubirigi Éric Gerets.
Abandi bavugwa ni Jürgen Klopp yahoze amenyereza umurwi wa Dortmund,Carlo Ancelotti, Walter Mazzarri na André Villas-Boas.
Van Naris Mugisha
