Abagirizwa kunyuruza ibikoresho vya REGIDESO bahanishijwe gupfungwa imyaka iri hagati y’itanu na cumi

Yanditswe na IGIHE
Kuya 22 juin 2018 saa 12:01
17790
0 0

Abakozi babiri b’ishirahamwe ritanga amatara n’amazi REGIDESO bagirizwa kunyuruza ibikoresho vy’iryo shirahamwe baciriwe na sentare ijejwe kurwanya igiturire ibihano biri hagati yo gupfungwa imyaka 5 n’imyaka 10.

Arcade MISAGO yagirijwe kunyuruza ibikoresho bikoreshwa mu gisata c’umuyagankuba mw’ishirahamwe REGIDESO yaciriwe gupfungwa imyaka 10 no gutanga ihadabu y’amafaranga ibihumbi mirongo itanu y’amarundi.

Uwundi sentare yaciriye igihano, ni Onesphore NKUNZIMANA, yagirijwe kugira uruhura mw’inyuruzwa ry’ibikoresho vya REGIDESO, sentare ikaba yamuciriye gupfungwa imyaka itanu no gutanga ihadabu y’amafaranga 25000 vy’amarundi.

Mwomenya ko ivyo bikoresho bagirijwe kunyuruzwa bifise agaciro k’imiriyoni 11 z’amarundi, muri ivyo, bimwe bikaba vyafatiwe muri karitiye ya Kigobe, aho ababitoye mw’ishirahamwe REGIDESO bavuga ko babijanye mu ntara ya Bururi, ariko bica bijanwa muri karitiye ya Kigobe, mu gisagara ca Bujumbura.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha