Advertisement
Kumenyekanisha
  IGIHE.bi \BB Amakuru \BB Ubutungane
Abagabo cumi bafatiwe ku Mutakura bashitse mw’ibohero rya Mpimba
Yanditswe taliki ya 18-10-2016 - isaha 17:40' na IGIHE

Abagabo cumi barimwo Salvator NAHIMANA umumenyeshamakuru wa Radio Maria Burundi bari bafatiwe ku Mutakura kw’igenekerezo rya 2 Gitugutu 2016 bashikanwe mw’ibohero rikuru rya Mpimba ku muhingamo wo kuri uwu wa kabiri.

Abo bagabo bose bari bumvirijwe na Parake ya Ntahangwa, mu gisagara ca Bujumbura, ingingo y’ukubungururiza mw’ibohero rya Mpimba bakaba bayimenyeshejwe nk’igihe c’isaha icumi.

Ababanyi b’aho abo bantu bafatiwe bamenyesha ko bafashwe mu gihe bari mu nama y’ibikorwa vyo kw’isengero ryabo. Babonye umwe mu bajejwe intwaro, ari kumwe n’abasirikare hamwe n’abaporisi, binjira mu nzu barimwo, baca bajanwa bose gupfungirwa muri zone Kamenge, aho baraye ijoro rimwe, mu nyuma bungururizwa mu gasho k’igendereza i Bujumbura.

Bagifatwa, OP1 Pierre NKURIKIYE, umuvugizi w’igiporisi c’Uburundi yamenyesheje ko abo bagabo bagirizwa uguhungabanya umutekano w’igihugu, bakagirizwa kandi ko bariko bategura kwegeranya ibifungurwa bihabwa abagizi ba nabi.

Ivyiyumviro vyanyu

Abobantu Bagirizwa Iki ?Kugira Bajanwe Mumpimba Nkuru ?

11.11.2016 à 18:20
Tuyishimire Samuel

Babafashe bakoze ikosa nyabaki ?

24.10.2016 à 14:56
Barutwanayo mathias

None Bagirizwa Iki ?

22.10.2016 à 13:49
Kwizera Vianney

Haniwacu ntabacamanza bakirihe hasigaye irweri rweri, abashingantahe bukuri bazoboneka ryari ? burya uburundi bwacu bwagiye buhura nivyago kuko bwabuze abashingantahe bukuri. Abobantu bazize ubusa kuko ntakirwanisho bafatanwe, ntabifungurwa bagirizwa bafatanwe, ivyari vyiza bari kwerekana amakontinere bari bapakiye bashiriye abobarwanyi. Burya babwenke buke bariho, bibaza kotwese tutabona ukuri ahokuri ? ,umurwanyi afise uburenganzira bwokuja gutora ivyokurya ahabibonye hose, nimba biri abisangayo, iryo nirementanya barementanirijwe.

21.10.2016 à 07:56
mzoyihera intagoheka

Ntakundi

20.10.2016 à 06:58
Mavoko

Jana muterereyo ngo amanama ! izomba bibazako badahevye ivyo bari bagamije bas ha bose ninkifu yimijirano

20.10.2016 à 05:41
bacemwo

ABO BAGABO NTACO BAZIRA NAMBA BABAFASHE BARI MUNAMA NTAVYEMEZA BIHARIKO BARI MUYOGUHUNGABANYA UMUTEKANO.NIBAREKURWE

19.10.2016 à 22:52
MELANCE

uburundi burahanzwe,birashoboka,benshi barihisha inyuma yImana mugukora amabwa,musenyeri we ntiyatanguje sidumuja.nihatari

19.10.2016 à 08:51
bano

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.