Abasirikare bagirizwa igitero kw’ikambi ya Mukoni basavye ko ababatwara botumwako mu butungane

Yanditswe na MUGISHA Van Naris
Kuya 7 juin 2017 saa 11:01
Yasomwe : 5166
0 0

Abasirikare indwi bagirizwa gukorana n’umurwi witwaje ibirwanisho wateye kw’ikambi y’abasirikare yo ku Mukoni mu ntara ya Muyinga,bararengutse muri sentare nkuru y’intara ya Muyinga kuri uno wa kabiri igenekerezo rya 6 Ruheshi 2017.

Uko ari indwi, umucamanza yabagirije bose kuba baragiye mu nama zo gutegura igitero zabereye mu ntara ya Gitega n’igisagara ca Bujumbura, ariko bose barabihakana bavuga ko ico gihe bari aho bari basanzwe bakorera akazi ka minsi yose.

Abagirizwa bavuze ko ata kintu na kimwe bashobora gukora kandi batashobora gusohoka amakambi bakoreramwo badahawe amategeko canke ngo babe bafise uruhusha bahawe n’ababakurira mu kazi.

Bitegekanijwe ko bazosubira kwumvirizwa kw’igenekerezo rya 19 Ruheshi 2017, ariko basavye ko kuri uwo munsi n’abatwara amakambi bakoreramwo ariho boba bari, kugira bababere ivyabona.

Igitero kw’ikambi yo ku Mukoni cabaye kw’igenekerezo rya 24 Nzero 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha