Abatwara imodoka zunguruza abantu basaba umuco ku mafaranga 5000 barihishwa

Yanditswe na
Kuya 16 Rusama 2017 saa 12:50
Yasomwe : 7236
0 0

Abatwara imodoka zunguruza abantu n’ibintu basaba kuronswa insiguro y’amafaranga 5000 barihishwa n’ishirahamwe ry’abunguruza abantu n’ibintu ATRABU mu gihe bagiye gutondera igitoro.

Kuva hasohotse ingingo y’uko abunguruza abantu baronkera igitoro ku bituro vyabo bonyene, abatwara imodoka zunguruza abantu n’ibintu bamenyesha ko basabwa amafaranga ibihumbi bitanu ishirahamwe ATRABU ririhisha imodoka yose kugira baronswe igitoro.

Mw‘ishirahamwe ry’abunguruza abantu n’ibintu ATRABU bamenyesha ko ayo mafaranga bayarihisha kugira bashobore gukora ibiranga abatwara imodoka zunguruza abantu, kugira babuze ko haba akajagari.

Ibituro bitanu nivyo vyategekanijwe ko bitanga igitoro ku modoka zunguruza abantu n’ibintu. Izo nazo akaba ari service Interpetrol iri muri quartier asiatique, Delta yo mu Kanyosha, Engen yo mu Kinama, Delta Musaga hamwe na Top 7.

Haraheze ikiringo cababa ukwezi kuronka igitoro mu gisagara ca Bujumbura no mu ntara zo hagati mu gihugu ari ikibazo kitoroshe. Ingaruka ziramaze kwibonekeza kuko abiyunguruza bamenyesha ko bashobora kumara isaha batararonka imodoka ibunguruza bigatuma abaja ku mirimo bashika bacerewe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha