Ikigo API gihamagarira abadandaza kwiyandikisha kugira bakingirwe n’amategeko

Yanditswe na Oscar NDAYISHIMIYE
Kuya 30 mars 2018 saa 04:43
100335
0 0

Ikigo kijejwe kworohereza abanyamitahe(API) gihamagarira abadandaza kwiyandikisha kugira bakingirwe n’amategeko,bongere bareke urudandazwa rwo mu gifuri kuko ivyo bikorwa bibazanira uruhombo.

Mu ruganda rwo gukarihiriza ubwenge abadandaza mu vyerekeye uruja n’uruza rw’urudandazwa ndengambibe kuri uwu wa gatunu igenekerezo rya 30 Ntwarante 2018, Serges NSABIMANA yaserukiye umuyobozi w’ikigo kijejwe kworohereza abanyamitahe amenyesha ko, abadandaza bakurikije amategeko mu kazi ka minsi yose bazoharonkera akunguko kuko kenshi abakorera mu binywabi bahura n’intambamyi nyinshi nk’abasuma , canke uruhombo iyo bafashwe n’inzego zibijejwe barenze amategeko.

Serges NSABIMANA amenyesheje ko, kugira bashobore gukingirwa n’amategeko, ikigo yaserukiye kiri ngaho kugira kiborohereze mukuronswa impapuro zikenewe, izo nazo ni nk’inomero ndangamudandaza(NIF), urupapuro ndangashirahamwe(statut), urupapuro ndangamutangakori(registre de commerce).

Serges NSABIMANA ahamagarira abanyamitahe gukora urudandazwa ndengambibe kuko ruzana inyungu hamwe n’amahera y’agaciro ku gihugu, aho mbere anahimiriza abarangura ibidandazwa hanze ko bokwama igihe cose bagenda bashoye ibidandazwa vyimburwa canke bikorerwa ngaha mu gihugu cacu.

MANIRAKIZA Emmanuel arongoye ishirahamwe ry’abadandaza barenga imbibe(ACTF-BURUNDI) amenyesha ko, mu gihe umudandaza afise impapuro zemewe n’amategeko, yoroherezwa ku mipaka ariko akanashikiriza ko amabanki y’I Burundi abasaba inyungu z’umurengera bigatuma bakora bahomba

Ikigo kijejwe kworohereza abanyamitahe(API) gihamagarira abadandaza gukorera hamwe mu mashirahamwe kuko bizana inyungu ihagije ku banywanyi b’iryo shirahamwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha