Bujumbura: Abantu 9 barahagaritswe mu matohoza ku rupfu rwa Francesco de Simone

Yanditswe na MUGISHA Van Naris
Kuya 17 Mukakaro 2017 saa 03:11
Yasomwe : 9387
0 0

Umushikirizamanza kizigenza wa Republika Sylvestre NYANDWI amenyesha ko abantu 9 aribo bamaze guhagarikwa ku mvo z’amatohoza,inyuma y’urupfu rw’umuganga yava mu gihugu c’Ubutariyano Francesco de Simone.

Mw’itangazo ryashizwe ahabona n’umushikirizamanza kizigenza wa Republika kuri uno wa mbere igenekerezo rya 17 Mukakaro 2017,amatohoza yatanguye ariko akorwa ahanini k’umwigeme bari basanzwe babana,afise ubwenegihugu bw’umurundikazi n’umunyasuwedekazi.

Uko ari icenda, bahagaritswe kuva kw’igenekerezo rya 4 Mukakaro 2017,inyuma y’umunsi umwe Francesco de Simone yitavye Imana.

Francesco de Simone yitavye Imana yahora akorera ku bitaro Kira Hospital, mu gisata co kubaga, yatowe ikiziga kw’igenekerezo rya 3 Mukakaro 2017,muri quartier ya Kiriri aho yari asanzwe aba.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha