Bururi : Abanyororo 64 barekuwe mu kigongwe c’umukuru w’igihugu

Yanditswe na MUGISHA Van Naris
Kuya 7 mars 2018 saa 11:05
4440
0 0

Abanyororo 64 bahora bapfungiwe mw’ibohero rikuru ry’intara ya Bururi, nibo barekuwe mu kigongwe c’umukuru w’igihugu, kuwa mbere igenekerezo rya 5 Ntwarante 2018.

Abo barekuwe ku kigongwe c’umukuru w’igihugu kur’uyu wa mbere, bagizwe n’abagabo 59 hamwe n’abagore 5.

Nk’uko amakuru dukesha ubuyobozi bw’ibohero rikuru rya Bururi abimenyesha, abapfunzwe baciriwe gupfungwa ubuzima bwabo bwose bagiye ku myaka 20, abandi nabo bakaba bagiye ku gice c’igihano baciriwe.

Umukuru w’igihugu c’Uburundi, Petero NKURUNZIZA,yatangaje ikigongwe ku banyororo, igihe yariko ashikiriza ijambo ry’umwaka mushasha wa 2018, aho yavuze ko abanyororo barenga 2000 aribo bazorekurwa, ingingo imaze gushirwa mu ngiro.

Igikorwa co gushira mu ngiro ikigongwe c’umukuru w’igihugu, catangurijwe mw’ibohero rikuru rya Ngozi, kuwa gatanu igenekerezo rya 16 Ruhuhuma 2018, gitanguzwa n’umushikirizamanza kizigenza wa Republika Slyvestre NYANDWI.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha