CENI ivuga ko abiyandikishije kwitaba amatora barenze ku bari bategekanijwe

Yanditswe na BIKORIMANA Vianney
Kuya 20 février 2018 saa 08:50
14310
0 0

Umurwi w’igihugu wigenga ujejwe gutegura amatora CENI(Commission Electorale Nationale Independante) umenyesha ko abantu biyandikishije ngo bazokwitabe amatora y’ibwirizwa shingiro rishasha hamwe n’amatora yo mu mwaka wa 2020, barenze ku bari bitezwe. Umurwi CENI ukamenyesha ko biyandikishije gushika ku bice 112,01 kw’ijana.

Umukuru w’umurwi ujejwe gutegura amatora ,Pierre Claver NDAYICARIYE mu kiganiro ku bamenyeshamakuru yamenyesheje ko abiyandikishije mu gihugu hagati bose bangana 4.987.871, mu gihe abari bategekanijwe kwandikwa bangana 4.452.679 .

Pierre Claver NDAYICARIYE yavuze ko igitigiri c’abagabo biyandikishije kingana n’abagabo 2.717.775 bangana n’ibice 47,6 kw’ijana hamwe n’abagore 2.616.096 bangana n’ibice 52,4 kw’ijana.

Mu murwi CENI bavuga ko abiyandikishirije mu bihugu aho Uburundi bufise ubuserukizi bangana 7.284, naho mu gihugu ca Centre Afrique hiyandikishije abashika 782 mu gihe mu gihugu ca Somariya hiyandikishije abangana 4.805.

JPEG - 42.9 ko
Pierre Claver NDAYICARIYE,umukuru w’umurwi utegura amatora CENI

Pierre Claver NDAYICARIYE yamenyesheje ko icatumye abantu bitabira ku bwinshi iyandikwa, ari ihimiriza ryakozwe n’abajejwe intwaro,abakuru b’imigambwe,amashengero hamwe n’amashirahamwe ategamiye inyungu za poritike.

Uwo arongoye umurwi CENI yasavye abiyandakishije bose kubika agapuporo bahawe kuko ariko kazobafasha kuja kwiraba ku ntonde ko banditswe hamwe n’igihe co gutora ikarata y’amatora.


Kumenyekanisha

1
NIYUNGEKO ALEX 20-02-2018 à 10:52

NIVYIZA KUBA HARABAYE IHIMIRIZA KANDI DUSABE ABABIJEJWE BAZOFATIRE INGINGO ABATAJA GUTORA KUK TWASANZE HARUWUTAJA GUTORA ARIKO AKIRIGWA ARAYORA UMUSHAHARA WA LETA AKANARONDERA KUDUZWA IGITI NIVYIZA KO NK,UMUKOZI WALETA BASANZE ATITABA AMATORA NUKUMUFUTA MUKAZI KUK NTABAKUNDA IGIHUGU HARI BESHI BAGIKUNDA KANDI BATAGRA AKAZI BAMA BARIKO BARITANGA MURI VYOSE

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha