Gitega : Abaciye ibikonjo vy’abana babiri baciriwe urubanza

Yanditswe na Egide NDUWIMANA
Kuya 26 Munyonyo 2017 saa 10:41
40185
0 0

Sentare nkuru y’intara ya Gitega yahanishije umunyororo w’imyaka 20 hamwe n’uw’imyaka ine abantu babiri bagirijwe guca ibikonjo vy’abana babiri bafatiwe mu murima w’ibigori kuri uwu wa gatatu muri komine Itaba, intara ya Gitega.

Abaciriwe urubanza ni umusore w’imyaka 19 yahanishijwe umunyororo w’imyaka 20, n’indishi y’akababaro y’amafaranga y’amarundi imiriyoni umunani.

Uwugira kabiri yahawe igihano muri urwo rubanza rw’ikibiriraho rwashashe ku muhingamo wo kuri uwu wa gatandatu, ni umwana w’imyaka 15 yaciriwe umunyororo w’imyaka ine, hamwe n’indishi y’akababaro y’ibihumbi amajana atatu vy’amarundi.

Abo babiri baciriwe urubanza nibo baciye ibiganza (ibikonjo) vy’abana babiri bafatiwe mu murima w’ibigori kuri uwu wa gatatu. Baciwe ibikonjo bahowe ko bafashwe bariko biba ibigori muri uwo murima.

JPEG - 141.2 ko
Abaciye ibikonjo vy’abana babiri mu ntara ya Gitega

Mw’ishirahamwe FENADEB riharanira ineza y’abana bamenyesha ko bashimishijwe n’ukubona Sentare nkuru y’intara ya Gitega yaranyarukije ivy’urwo rubanza, bagashimira n’umushikiranganji w’ubutungane Aimé-Laurentine KANYANA yari yishikiye kwumviriza iburanishwa ry’urwo rubanza.


Kumenyekanisha

1
happy 27-11-2017 à 10:52

mbega abantu mucukuboko umwana ngo yibye ibigori ndumiwe murabicanyi mwavumwe nimana ndabarahiye

2
Karikurubu 27-11-2017 à 08:07

Ntagitangaje kirimwo,izo n’imbonerakure zabigize kandi iryo n’iragi rya CNDD-FDD,akari inyuma karahinda

3
Busurahende 26-11-2017 à 14:19

Ni vyiza kubona abakoze ikibi bahanwa, mugabo bari bakwiye no gukwirikirana ababigishije kwihanira. Burya umwarimu mwiza iyo yigishije aramenyesha. Vyatanguye muri 2015 none raba abaronse ama diplomes ivyo bagezemwo.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha