Gitega : Abagirizwa ubusuma muri COOPEC basabiwe gupfungwa imyaka iri hagati ya 20 na 30

Yanditswe na MUGISHA Van Naris
Kuya 18 janvier 2018 saa 09:50
Yasomwe :
0 0

Urubanza rw’abagirizwa kwiba mw’ishirahamwe ryo kuziganya no kuguranana COOPEC mu ntara ya Gitega, rwarasubiye kwumvirizwa kur’uyu wa gatatu igenekerezo rya 17 Nzero 2018. Abagirizwa bakaba basabiwe gupfungwa imyaka iri hagati ya 20 na 30.

Abarengutse bari mu mirwi ibiri, umwe ugizwe n’abaporisi, uwundi ukagirwa n’abanyezamu bari baraririye ububiko bwa COOPEC Gitega.

Abaporisi bagirizwa muri urwo rubanza basabiwe gupfungwa imyaka ibiri, mu gihe abandi bantu batandatu barimwo abanyezamu basabirwa gupfungwa imyaka iri hagati ya 20 na 30.

Urubanza rwa mbere rwari rwabaye kuwa kabiri igenekerezo rya 9 Nzero 2018, ariko ruca rwungururizwa ku rindi sango, kuko uwari yaserukiye COOPEC yari yasavye umwanya wo kubanza gusoma neza dosiye y’urubanza.

Abo barengutse bagirizwa ubusuma muri COOPEC yo mu ntara ya Gitega, kw’igenekerezo rya 31 Kigarama 2017 , y’amafaranga 66 227 510 y’amarundi.

Abagirizwa ubwo busuma barahakana ivyo bagirizwa, bagasaba ahubwo ko borekurwa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha