Gitega : Abavukantara basabwa guterera mu kwitegurira umurwa mukuru wa poritike n’intwaro

Yanditswe na MUGISHA Van Naris
Kuya 6 janvier 2018 saa 09:48
14250
0 0

Uburongozi bw’intara ya Gitega buhamagarira abavukantara bose hamwe n’abakunzi b’intara babishoboye , guterera amafaranga y’amarundi 200 n’ayarenga,mu ntumbero yo kwitegurira umurwa mukuru w’Uburundi mu bijanye na poritike n’intwaro, no kwakira inkino mpuzmakungu za CECAFA zizotangura mu kwezi kwa kane.

Mw’itangazo ryateweko umukono na buramatari w’intara ya Gitega Venant MANIRAMBONA kur’uyu wa gatanu igenekerezo rya 5 Nzero 2018, buramatari amenyesha ko hari ibikorwa bibiri bihambaye biriko birakorwa,ico gusanura ikibuga ca kijambere c’umupira w’amaguru hamwe no kwubaka igorofa kuri ka minuza y’ubuhinga ya Gitega.

Muri iryo tangazo,buramatari w’intara ya Gitega amenyesha ko ivyo bikorwa bibiri bisaba uburyo bwinshi kandi bipfuza ko biba mu maguru masha, nayo uburyo bwose bukenewe bugatangwa n’abavukantara , abahaba hamwe n’abakunzi bayo.

Buramatari w’intara ya Gitega, amenyesha ko abazoyatoza bazosanga abanyagihugu aho baba bitwaje amakaye yo kwandikamwo uwuyatanze, abo nabo bakazoca bayashikana kwa musitanteri aho azoca ayajana kuyashira kuri konte yuguruwe muri MUTEC, nomero 3001-40841701-93 yuguruwe kw’izina ’’ Stade Gitega’’.

Igikorwa co gutanga ayo mafaranga kizoba kuwa gatandatu igenekerezo rya 13 Nzero 2018.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha