Pascal BARANDAGAIYE yamenyesheje amashirahamwe akorera mu Burundi ivyo ategerezwa kwisunga

Umushikiranganji Pascal BARANDAGIYE yamenyesheje ko ivyo ayo mashirahamwe asabwa n’ibijanye n’urupapuro rubemerera gukorera mu gihugu, gukora bisunze imigambi reta yasize imbere,kwerekana urukaratasi rwerekana ingene amafaranga ashingurwa n’ingene akoreshwa rutangirwa mu bushikiranganji bw’ikigega ca Reta hamwe no kwerekana mu myaka itatu ko bazoba bahejeje gukuraho ubusumbasumbane bw’abakozi hisunzwe ubwoko n’ibitsina.

Uyo mushikiranganji w’intwaro yo hagati mu gihugu yavuze ko ku mwaka ku mwaka bazoza barasuzuma ko ivyo ayo mashirahamwe yiyemeje abikwirikiza.

Pascal BARANDAGIYE yasavye ubushikiranganji busanzwe bukorana nayo mashirahamwe “Ministeres techniques” gufasha ayo mashirahamwe kugira ivyo bazoba bariko bararondera babironke bitagoranye.