Gitega: Abayoboke babiri ba Agathon RWASA bahagaritswe

Yanditswe na MUGISHA Van Naris
Kuya 9 Ruheshi 2017 saa 08:02
Yasomwe : 5697
0 0

Abanywanyi babibi b’umugambwe FNL urongowe na Agathon RWASA mu ntara ya Gitega barahagaritswe kuwa kane igenekerezo rya 8 Ruheshi 2017 baca bajanwa gupfungirwa mu gasho k’igipolisi ku murwa mukuru w’intara ya Gitega.

Abo bahagaritswe ni NZAMBIMANA Edouard yahagarikiwe aho asanzwe akorera umwuga wo kumwa abantu muri quartier Yoba iri mu gisagara ca Gitega,na NDUWARUGIRA Jean Paul yahagarikiwe ku mutumba wa Bwoga uri muri komine ya Gitega,intara ya Gitega.

Amakuru ava mu ntara ya Gitega,amenyesha ko uko ari babiri bose boba bahagaritswe n’abakozi b’igendereza mu ntara ya Gitega ,bari kumwe n’abapolisi bakorera muri yio ntara.

Mu ndongozi z’umugambwe FNL urongowe na Agathon RWASA mu ntara ya Gitega, bamenyesha ko ata kintu kiboneka bariko barazira,ariko ko inyuma y’ihagarikwa ryabo hinyegeje imvo za politike.

Mu burongozi bw’umugambwe FNL urongowe na Agathon RWASA mu ntara ya Gitega basaba ko agatotezo kariko gakorerwa abanywanyi b’umugambwe gahagarara.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha