Gitega : Umuyobozi w’ishuri nshingiro rya Nyamazi yarahagaritswe

Yanditswe na MUGISHA Van Naris
Kuya 22 décembre 2017 saa 09:34
Yasomwe :
0 0

Umuyobozi w’ishuri Nshingiro rya Nyamazi, muri komine Nyarusange, intara ya Gitega, yarahagaritswe ku muhingamo wo kur’uyu wa kane igenekerezo rya 21 Kigarama 2017.

Amakuru ava mu begereye umuryango wiwe, amenyesha ko yoba yahagaritswe muri dosiye y’urubanza rw’abagirizwa urupfu rw’umutama wo ku mutumba Gasenyi, komine Nyarusange.

Amakuru ava I Nyarusange, amenyesha ko Jeremie IRAMPAYE yafashwe nk’igihe c’isaha indwi z’umutaga, afatwa n’abantu boba ari abakozi b’igendereza, imbere y’uko ajanwa ku murwa mukuru w’intara ya Gitega.

Amakuru ava mu muryango w’uyo muyobozi, amenyesha ko Jeremie IRAMPAYE yaraye mw’ibohero rikuru rya Gitega, ariko bakamenyesha ko bafise amakenga ku catumye ahagarikwa.

Abo mu muryango wa Jeremie IRAMPAYE bavuga ko amakuru bafise, ar’uko ku mutahe wo kumuhagarika hari handitseko ko afashwe ku mvo z’urubanza rw’urupfu rw’umutama azwi kw’izina rya BUKOBERO Jacques wo k’umutumba Gasenyi, komine Nyarusange, yishwe atewe gerenade, kw’igenekerezo rya22 Ntwarante 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha