Inama nkenguzamateka yuguruye ibikorwa vy’isasa vy’ukwezi kwa myandagaro

Yanditswe na Vianney BIKORIMANA
Kuya 1 August 2018 saa 11:36
11655
0 0

Inama nkenguzamateka y’Uburundi yuguruye kuruno wa gatatu igenekerezo rya 1 Myandagaro 2018,ibikorwa vyayo vy’isasa ry’ukwezi kwa myandagaro aho bitegekanijwe ko hazokwigwa integuro z’amabwirizwa 13 ziri k’urutonde Reta yarungikiye iyo nama nkenguzamateka

Reverien NDIKURIYO yavuze ko iruhande yo kwiga integuro z’amabwirizwa bazobandanya ibikorwa bijanye n’amanama batanguje mu ma komine y’igihugu,kubandanya igikorwa co guhanura abigeme bari mu mashure kugira birinde inda z’indaro,guhimiriza abanyagihugu kugira imiriro ya Nyakanga ituzwe hamwe no kuzobandanya bakomeza ubucuti n’izindi nama nkenguzametaka.

Uyo mukuru w’inama nkenguzamateka yavuze kandi ko mu buruhuko bahoramwo bakoze ibikorwa bitari bike nk’ibijanye no gushigikira indero mu mashure,ibikorwa vyo kubaka amashure bongera barifadikanya n’urwaruka ruri mu buruhuko mu bikorwa vyo guteza imbere igihugu.

Murivyo birori vyo kugurura ibikorwa vy’isasa vya myandagaro vy’inama nkenguzamateka ,Reverien NDIKURIYO yaboneyeho akaryo ko gukeza umurwi w’intamba mu rugamba rwabatarenza imyaka 20 uheruka kuronka uburenganzira bwo gukina inkino za nyuma z’igikombe ca Afirika kizobera mu gihugu ca Niger.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha