Muganga Jean Claude NIYONGERE yaraye ijoro rya mbere mw’ibohero rikuru rya Gitega

Yanditswe na Oscar NDAYISHIMIYE
Kuya 23 février 2018 saa 11:30
45210
0 0

Umuganga akorera mu bitaro bikuru vy’intara ya Karusi, yaraye mw’ibohero rikuru ry’intara ya Gitega ijoro ryiwe rya mbere. Muganga Jean Claude NIYONGERE yahagaritswe kuwa gatatu, igenekerezo rya 21 Ruhuhuma 2018.

Amakuru ava muri iyo ntara ya Karusi, amenyesha ko, Muganga Jean Claude NIYONGERE yahagaritswe yagirizwa kuba ariko yigisha gutora OYA, mu matora yo kwemeza canke guhakana ibwirizwa nshingiro, ategekanijwe mu kwezi kwa gatanu.

Ayandi makuru, avuga ko Muganga Jean Claude NIYONGERE yagirizwa kuba yarakwiragije ku mbuga ngurukanabumenyi,ishusho y’umunyamabanga mukuru w‘umugambwe CNND-FDD yambaye inkofero iriko ivyandiko bihamagarira abarundi gutora oya mw’ibwirizwa nshingiro rihinyanyuwe rigiye gutorwa n’abarundi.

Muganga Jean Claude NIYONGERE yinjijwe ibohero rikuru ry’intara ya Gitega,nk’isaha icumi z’umugoroba wo kur’uyu wa kane igenekerezo rya 22 Ruhuhuma 2018, ahejeje kwumvirizwa n’umushikirizamanza wa Republika mu ntara ya Karusi.


Kumenyekanisha

1
Mukama 24-02-2018 à 07:43

Pôle sana Koboroto.
Nari nkangutswe ngo uzize vya bindi.
Kwigisha Oya ni ibisanzwe kuko na Ego irigishwa !

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha