Mwaro : Uwashatse kwica patiri mukuru wa paruwase Nyabihanga yaciriwe gupfungwa imyaka 15

Yanditswe na MUGISHA Van Naris
Kuya 31 mai 2018 saa 08:14
17325
0 0

Sentare nkuru y’intara ya Mwaro, yaciriye igihano co gupfungwa umunyororo w’impaga w’imyaka 15,ku caha co gushaka kwica patiri mukuru wa paruwase Nyabihanga, n’umwaka umwe wo gupfungwa ku caha co gukoresha ibimuranga atarivyo.

Uwo yahanishijwe ico gihano ni NTAHIZANIYE Daniel avuka aho mu Nyabihanga nyene, akaba kandi yaheruka guciribwa umunyororo w’impaga w’imyaka 8 n’ihadabu y’umuriyoni yagirizwa gutunga ibirwanisho atabifitiye uruhusha.

Umuvugizi wa sentare ntahinyuzwa, Agnes BANGIRICENGE, amenyesha ko iyo sentare yaciriye kandi imyaka indwi yo gupfungwa uwitwa Perrine NIYOMWUNGERE, avuka mu ntara ya Rutana, yagirizwa gufasha Daniel NTAHIZANIYE mu gushaka kugandagura patiri mukuru wa Paruwase Nyabihanga.

Mw’ijoro ryo kuw’Imana igenekerezo rya 20 Rusama 2018, niho Patiri Ildephonse SABOKWIGINA yaraswa, aca arakomereka mu kuguru no mu rubavu, mu nyuma aca ajanwa mu bitaro.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha