Ngozi : Abagirizwa igitero co ku Mukoni basabiwe gupfungwa no gutanga ihadabu

Yanditswe na MUGISHA Van Naris
Kuya 1er décembre 2017 saa 01:50
13965
0 0

Sentare Nkuru y’intara ya Ngozi yaciriye kur’uyu wa kane igenekerezo rya 30 Munyonyo igihano co gupfungwa imyaka iri hagati ya ya 25 na 30 hmawe no gutanga ihadabu y’imiriyoni 5 kur’umwe, abagirizwa kugira igitero kw’ikambi y’abasirikare ya Mukoni, mu ntara ya Muyinga.

Mur’urwo rubanza rwabaye kur’uyu wa kane ababurana bari bagabuwe mu mirwi ibiri igizwe uwa mbere n’abasirikare n’abanyagihugu, uwa kabiri nawo wari ugizwe n’abasirikare gusa.

Umurwi wa mbere ugizwe n’abasirikare hamwe n’abanyagihugu basanzwe wagirijwe kuba waragendanye ibirwanisho utabifitiye uruhusha , mu gihe umurwi wa kabiri ugizwe n’abasirikare wagirijwe gufasha guhungabanya umutekano mu gihugu.

Abari mu murwi wa mbere sentare yabasabiye gupfungwa imyaka 30 hamwe no kuriha ihadabu y’imiriyoni 5 z’amarundi umw’umwe, mu gihe abari mu murwi wa kabiri basabiwe gupfungwa imyaka 25 no kuriha ihadabu y’imiriyoni 5 umw’umwe.

Uko bari mu mirwi ibiri bose barahakanye ivyo bagirizwa, bavuga ko ibiri mu vyegeranyo sentare yakoreyeko bavyemejwe n’uko bahohotewe.

Bitegekanijwe ko sentare nkuru ya Ngozi isoma urubanza kw’igenekerezo rya 14 Kigarama 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha