Patiri CIZA Jean Marie yumvirijwe na Sentare

Yanditswe na Egide NDUWIMANA
Kuya 1er Ruheshi 2017 saa 08:56
Yasomwe : 25875
0 0

Patiri CIZA Jean Marie yarengutse mu butungane ku muhingamo wo kuri uwu wa gatatu, muri Sentare nkuru y’intara ya Gitega. Sentare yariko iraba namba uwo mupatiri yobandanya kuburana yidegemvya canke apfunzwe.

Ingingo ya Sentare y’uko Patiri CIZA Jean Marie yohabwa umwidegemvyo canke akabandanya kuburana ava mw’ibohero izomenyekana kuri uwu wa gatanu.

Patiri CIZA Jean Marie yahora akorera muri Diyoseze nkuru ya Gitega apfungiwe mw’ibohero rikuru rya Gitega kuva kw’igenekerezo rya 16 Rusama 2017. Yagirizwa kuba yagerageje gufata ku nguvu umwana w’umwigeme.

Patiri CIZA Jean Marie yafashwe n’igendereza rikorera mu ntara ya Gitega, aca ashikirizwa Parake y’aho i Gitega.

Inyuma y’ukwumvirizwa na Parake nkuru ya Gitega, Patiri CIZA yaciye ajanwa gupfungirwa mw’ibohero rikuru rya Gitega, kw’itegeko ry’umushikirizamanza mukuru w’intara ya Gitega.

Mu giporisi bavuga ko Musaseredoti wa Ekereziya Gaturika yafashwe kubera amasanamu umwigeme yajanye mu giporisi yerekana igihe Patiri Jean Marie CIZA yariko agerageza gufata ku nguvu uwo mwigeme w’umunyeshuri yiga mu mwaka w’icenda.


Kumenyekanisha

1
Gilbert Mwanza 1er-06-2017 à 13:51

Intahe nikore icishe aho ukuri kuri . Atavyo gucisha hirya nohino.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha