Rumonge : Umuhungu yagirizwa kwica se yaciriwe gupfungwa imyaka 20

Yanditswe na MUGISHA Van Naris
Kuya 14 décembre 2017 saa 08:26
Yasomwe :
0 0

Umuhungu azwi kw’izina rya Jean Claude NTIRANYIBAGIRA yagirizwa kwica se wiwe akoresheje umuhini w’isuka yaraciriwe na sentare nkuru y’intara ya Rumonge, gupfungwa imyaka 20.

Mu rubanza rw’ikibiriraho rwabaye kur’uyu wa gatatu ignekerezo rya 13 Kigarama 2017, sentare nkuru y’intara ya Rumonge, yagirije Jean Claude NTIRANYIBAGIRA kwica se wiwe yabiteguye.

Jean Claude NTIRANYIBAGIRA yaremeye ko ariwe yishe se wiwe, ariko avuga ko atamwishe abisha, ahubwo ari isanganya ryamushikiye.

Amakuru ava aho i Bugarama amenyesha ko Jean Claude NTIRANYIBAGIRA yishe se wiwe mw’ijoro ryo kuw’Imana igenekerezo rya 10 Kigarama 2017, muri zone Bugarama,intara ya Rumonge, abanje kumucumita imbugita, hanyuma amuhohosha n’umuhini w’isuka.

Uwo muhungu yari asanzwe ari umunyeshuri, mu mwaka wa kabiri w’igice ca kabiri c’ishure nshingiro.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha