Rumonge : Umunyororo yapfiriye mw’ibohero ahitanwe n’ingwara

Michel HARINGANJI yahora apfungiwe mw’ibohero rikuru rya Rumonge yarwaye umunsi umwe, kuko yafashwe ku murango wo kuri uwu wa mbere, mw’ijoro aba aritavye Imana.

NTIRANDEKURA Jean Claude, umuyobozi w’ibohero rikuru rya Rumonge amenyesha iryo bohero ryamaze gutumako umuryango wiwe kugira bashingurane iteka uwo munyororo.

Michel HARINGANJI w’imyaka irenga 50 yahora apfungiwe mw’ibohero rikuru rya Rumonge avuka mu ntara ya Muramvya. Yari apfunzwe yagirizwa ubusuma, akaba yari yaraciriwe urubanza.

Ubwinjiriro bw’ibohero rikuru rya Rumonge