Ruyigi : Abagirizwa kwiba imashini nyabwonko y’umushikiranganji w’ubutungane baciriwe gupfungwa imyaka 10

Yanditswe na MUGISHA Van Naris
Kuya 8 juin 2018 saa 03:22
20880
0 0

Sentare Nkuru y’intara ya Ruyigi yaciriye abagabo babiri bagirizwa kwiba imashini nyabwonko ngendanwa y’umushikiranganji w’ubutungane, gupfungwa imyaka 10, mu rubanza rw’ikibiriraho, rwabaye kur’uyu wa gatanu igenekerezo rya 8 Ruheshi 2018.

Umuvugizi wa Sentare Ntahinyuzwa, Agnes BANGIRICENGE, amenyesha ko abo babiri ari Elie BIGIRIMANA na IRANKUNDA Jean Marie, bagiriwe n’icaha co kwiba imashini nyabwonko ngendanwa, mu gihe bariko boza imodoka asanzwe agenderamwo.

Abandi bahanwe na sentare nkuru y’intara ya Ruyigi, ni abana babiri Kenedy NDAYISHIMIYE yaciriwe gupfungwa imyaka itatu hamwe na Eloge NDIHOKUBWAYO yaciriwe gupfungwa imyaka ine kubera bakoranye n’abivye iyo mashini.

Iyo mashini yibwe kuwa kabiri igenekerezo rya 5 Ruheshi 2018, muri karitiye ya Gasanda, ku murwa mukuru w’intara ya Ruyigi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha