Accueil > Amakuru > Ubutungane > Sentare nkuru ya Bujumbura yasomye urubanza rwa Melchiade NZOPFABARUSHE
Sentare nkuru ya Bujumbura yasomye urubanza rwa Melchiade NZOPFABARUSHE
lundi 30 Ndamukiza 2018, par
Mu rubanza rwamaze amasaha ane mw’ibohero rikuru rya Mpimba, Melchiade NZOPFABARUSHE yagirijwe ko kw’igenekerezo rya 15 Ndamukiza 2018, muri komine ya Kabezi, yashikirije amajambo arimwo ivyo vyaha yagirizwa. Ayo majambo yayashikirije abanywanyi b’umugambwe CNDD FDD bari mu nama uwo Melchiade NZOPFABARUSHE yari yatumiwemwo.
Nk’uko biri mu majwi yumvishijwe abacamanza hamwe n’abari bariko barakurikirana urwo rubanza, Melchiade NZOPFABARUSHE yabwiye abariko baramwumviriza kw’isoko iri ku musozi wa Migera, komine Kabezi ati :
"Hakaba hari umukeba azigisha ibitajanye n’ivyo igihugu kirondera, twebwe ntituri kumwe. Turamukaravye. N’ubwato twarabukoresheje, tuzoshira muri Karonga, tumanurire mw’i Tanganyika bace bigira iyo bashaka. Na kare amafi yari yabuze muri aya mazi yacu. Tuzobashiramwo bigire muri Congo n’amaguru. Mu gihugu cose, mw’ikomine yose. Uwuhagarariwe n’ingwe aravoma. Umugambwe CNDD FDD ni umugambwe upanze mwarabonye ingene vyagenze."
Imbere y’abacamanza, mu bigo vy’ibohero rikuru rya Mpimba, uwagirizwa ico caha ntiyahakanye ko ariwe yashkirije ayo majambo, ariko amenyesha ko ata ntumbero y’ubugizi bwa nabi canke ubwicanyi yoba yari afise. Yamenyesheje kandi ko ivyo yashikirije atawari yabimutumye, ko hari ku gatwe kiwe.
Umushikirizamanza mukuru yamusabiye kuri ivyo vyaha vyose yagirizwa umunyororo w’imyaka itandatu hamwe n’ihadabu ry’amafaranga ibihumbi amajana atatu.
Inyuma y’umwiherero yamaze nk’iminota mirongo itatu, Sentare nkuru ya Bujumbura yamuciriye umunyororo w’imyaka itatu.
Umushingwamanza Alexandre NDIKUMANA, aburanira Melchiade NZOPFABARUSHE amenyesha ko atashimye urubanza rwaciriwe uwo aburanira, akavuga ko agiye kwunguruza.
Egide NDUWIMANA
Messages
30 Ndamukiza 2018, 16:41, par Magnus
Kubayemeye icaha nivyiza ariko kwumguruza kwuwomushingwamaza bimaziki?kubayemeye yemeyenibizokurikira napfungwe
30 Ndamukiza 2018, 17:22, par claude
yemwe napfugwe kuko yarakoze amakosa kandi yaraducafurije umugbwe abo nibamwe bajaba .
30 Ndamukiza 2018, 18:00, par steve
kuba yemeye icaha nivyiza cane,hama niyemere apfungwe.
30 Ndamukiza 2018, 18:04, par Kevin
Iyo ni mitwe DD turayizi,uwo uno musi tuza guhurira muri ville.
30 Ndamukiza 2018, 21:39, par NTIRAMPEBA
NDASHIMYE IYONGINGO YUWO MUCAMANZA MURI C D D_F D D NTIGWITAHA NABANDI BAVUGA UMUGAMBWE UKUTARIKO NIBAHANYWE
30 Ndamukiza 2018, 21:51, par Mahoro
Uwahamagariye abantu kwicanaa apfungwe imyaka itatu, uwagiye mu myiyerekano apfungwe imyaka 32!
Ewe wa Butungane!
Mbega kuva 15/4 gushika ubu abo bamufatishije bari bakimurondera? Ko abandi bafatwa bacikekwako bazotora OYA gusa?
30 Ndamukiza 2018, 23:31, par paul
c’est une préparation du génocide en cours , soyez vigilant sinon c’est le chaos !!
Never again genocide
30 Ndamukiza 2018, 23:32, par N’amahinyu
Ah’ubwo bari kumucira ihadabu y’imiriyoni zitatu mugabo hanyuma bakamureka agataha i muhira. None mu mpimba azoba yungukira iki igihugu? Bamuretse akabandanya imirimo yiwe yogira ico yimarira akongera akakimarira igihugu. Butungane bwacu, gerageze muce imanza zigirira akamaro igihugu na benegihugu! Mureke izizingamika abenegihugu n’igihugu!
30 Ndamukiza 2018, 23:58, par bably
umwana wumurundi yababuriye murabe mwunva , abamufunze baramuhora ubusa nuko yabavuyemo. habwirwa benshi hakunva beneyo
1er Rusama 2018, 09:02, par Makoma
Gahanga wishwe n’iki! n’ishwe n’urwabagabo mugabo wewe uzozira akarimi kawe
1er Rusama 2018, 09:05, par Kabura
Azize ko yamernye ibanga
1er Rusama 2018, 12:29, par Izoduhorera Yvan
Ewe ba DD muratangaje. Melchiade mumuhoye ubusa, ayo majambo avuze, hari abandi bayavuze ataco bikoma. Reveriano Ndikuriyo ati "kora" bisigura kwica abantu. Ngo azoce atanga parcelles, ubu arahangamye. Melchiade kuko yavuze ubutumwa yarungikanywe muramukaravye ese mwobikora kuri bose, Ariko ico nzi abo bica, bakokeza, bakora n’ayandi mabi bazovyishura bitebe bitebuke.
2 Rusama 2018, 12:23, par Pasco
Nta Mugabo Adacibwamwo,yatwawe Nibishobisho Vyinshi.Nibamureke Yidegemvye,hama Bamucire Ihadabu Ryamafaranga Ariha Mukigega Ca Leta.Kuk Kumupfunga,aja Kurya Ivya Leta Mumpimba,atariko Aratezimbere Igihugu.
3 Rusama 2018, 15:36, par ndihokubwayo charles
ivyo merkiade azize ubusa kuko abacamanza murakwiye gukora mudakorera kugicure numugambwe
3 Rusama 2018, 17:17, par Namahinyu
@Pasco
Ah’ubwo na amende yomugora; bari bakwiye kumucira gukora ibikorwa vy’ingirakamaro kuri bose (travaux d’intérêt général) vy’umwaka, bikazomufasha kwihweza neza amakosa yakoze kugira ntaze ayasubire, mbere n’abandi bahabonere n’akarorero.
Nayo uwo muntu yiyita Izoduhorera Yvan avuga ivy’atazi mu kuvuga ko abishe bose baronka igihano.
Raba abahekuye uburundi kuva bw’ikukira gushika n’ubu, ninde arabarya n’ikinuma?
4 Rusama 2018, 22:52, par kiki
Leon mugesera number 2 yabonetse. ati:tuzabanyuza muri nyabarongo mpaka ethiopia!!!!!!!!kandi byarashitse.
5 Rusama 2018, 20:04, par B Emmanuel
Wamugabo genduwukor(gahanga wishw niki?...)ham uzoc utor ingingo.