Ubushikirangaji bwo gutwara abantu n’ibintu bwarashikirije ivyaranguwe mu mezi 6 ya 2018

Yanditswe na Vianney BIKORIMANA
Kuya 2 August 2018 saa 10:16
9015
0 0

Ubushikiranganji bwo gutwara abantu n’ibintu,ibikorwa vya Reta,ibikoresho no gutunganya amatongo bumenyeshako mu mezi atandatu aheze bashoboye guteza imbere imihora 6 yo gutwara abantu n’ibintu iyo ku murwa mukuru hamwe na 40 yo mu ntara hagati hamwe n’imodoka bashize ku mihora iva i Bujumbura ija I Gitega hamwe n’i Ngozi kugenda no kugaruka

Mu kiganiro yahaye abamenyeshamakuru kuruyu wa gatatu ariko ashikiriza ivyaranguwe n’ubwo bushikiranganji bwo gutwara abantu n’ibintu,umushikiranganji Jean Bosco NTUNZWENIMANA yamenyeshekeko mu mezi 6 aheze ishirahamwe OTRACO ryashoboye gutwara abantu bangana ibihumbi 645.114 hongera hatangwa impapuro ibihumbi 29.069 zemeza ko imiduga ikwije ivya ngombwa (Controle Technique).

Uyo mushikirangaji avuga kandi ko murico kiringo bashoboye gutunganywa igituro c’aho imiduga iruhukira irishe amafaranga(Parking payant) mu Kamenge hamwe na asiranse y’imiduga ya reta 325 barishe y’uyu mwaka wa 2018.

Jean Bosco NTUNZWENIMANA yavuze ko mu give ca mbere c’umwaka wa 2018 indege zaciye ku kibuga c’indege mpuzamakungu ca Bujumbura hamwe n’abafashe ingendo vyiyongeye aho indege zahaciye zingana 1344 hamwe n’ingenzi 103.830.

Mu gisata c’inyubakwa za Reta n’ibikorwa vyayo,uyo mushikiranganji avuga ko bitwararitse kuriha ibirarane vy’amafaranga vy’amazu Reta ipanze .


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha