Umushingamateka Ladislas NCAHINYERETSE yarekuwe abanje gutanga amande

Yanditswe na Egide NDUWIMANA
Kuya 10 Myandagaro 2017 saa 05:11
Yasomwe : 22599
0 0

Ladislas Ncahinyeretse, yahoze ari umushingamateka w’umugambwe UPRONA yatowe mu ntaya ya Karusi yaraye mu gasho ka komine Karusi, akaba yarekuwe abanje gutanga amande.

Uwo yari yari umushingamateka mu mwaka w’2012 yafashwe ku mugoroba wo kuri uwu wa kabiri, akaba yagirizwa ko yarenze itegeko rigenga amashamba ryo mu mwaka w’2016.

Aristide NSENGIYUMVA, umushikirizamanza mukuru mu ntara ya Karusi avuga ko umushingamateka Ladislas Ncahinyeretse yaciye ibiti vy’uguca amakara mw’itongo ryiwe, ariko akaba atabanje kubisabira uruhusha mu bajejwe intwaro, nk’uko biri mw’itegeko rishasha ry’ugukingira amashamba n’ibidukikije.

JPEG - 36.8 ko
Aristide NSENGIYUMVA, umushikirizamanza mukuru mu ntara ya Karusi

Aristide NSENGIYUMVA yabwiye ikinyamakuru IGIHE ko mu cegeranyo cakozwe n’ubutungane hamwe n’abakozi b’igisata c’ugukingira ibidudukikije, basanze Ladislas Ncahinyeretse yotanga amande y’amafaranga imiriyoni zitatu n’ibihumbi amajana ane y’amarundi, akaba yayatanze, inyuma y’aho ararekurwa nk’uko vyemezwa n’uwo mushikirizamanza mukuru w’intara ya Karusi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha