Umuyobozi w’ibohero rya Bubanza yagirizwa gutorokesha abanyororo bakora ivyaha hanze y’ibohero

Yanditswe na Egide NDUWIMANA
Kuya 24 Gitugutu 2017 saa 03:00
13830
0 0

Umuyobozi w’ibohero rikuru rya Bubanza, IRAKOZE Yves Kevin abarizwa mw’ibohero rikuru rya Mpimba kuva kuri uwu wa mbere, yagirizwa ko atorokesha abanyororo bakora ivyaha hanze y’ibohero.

IRAKOZE Yves Kevin yafashwe kuri uwu wa mbere nk’igihe c’isaha zitandatu z’umurango, ajanwa muri Parake ya Bubanza, akaba yumvirijwe n’icariho c’umushikirizamanza wa Repuburika mu ntara ya Bubanza.

Richard NDAYISABA, umushikirizamanza wa Repuburika mu ntara ya Bubanza amenyesha ko hari abanyororo babiri batorokeshejwe n’uwo muyobozi w’ibohero rikuru rya Bubanza, umwe muribo yari amaze gucirirwa urubanza rw’umunyororo w’imyaka 20 akaba yafashwe kuri uwu wa gatandatu ariko agura inkoho hanze y’ibohero.

Umushikirizamanza wa Repuburika i Bubanza ashikiriza ko bitumvikana igituma uwaciriwe urubanza yidegemvya hanze y’ibohero.

JPEG - 29.6 ko
Impome z’ibohero rikuru rya Mpimba, ahapfungiwe umuyobozi w’ibohero rikuru rya Bubanza

Uwo arongoye ibohero rikuru rya Bubanza afashwe inyuma y’aho umwe mu banyororo baserukira abandi mw’ibohero rikuru rya Bubanza, NDIKUMANA Samuel, afashwe kuri uwu wa gatandatu ariko agura inkoho hanze y’ibohero.

Uwo ari mu murwi w’abaserukira abandi banyororo, abo bita aba "Généraux", yafashwe ariko aharura amafaranga ibihumbi mirongo itanu vy’amarundi (50 000 Frs Bu) yashaka kuriha uwumuzaniye inkoho yo mu bwoko bwa "Pistolet."

Inyuma y’ugufatwa hamwe n’ukwumvirizwa n’igiporisi, uwariko agurisha iyo nkoho yamenyesheje ko uwo munyororo NDIKUMANA Samuel yari yamutumye inkoho zitandatu zo mu bwoko bwa "Pistolet", hamwe na Gerenade zitandatu nyene, ariko ko yari yabaye arazana iyo nkoho imwe ya mbere yaronse.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha