Abapfasoni binjiza ibidandazwa biciye ku mbibe z’Uburundi bubahirize amategeko

Yanditswe na Aristide Nizigire
Kuya 18 décembre 2013 saa 09:35
Yasomwe : 1773
0 0

Abapfasoni bo mu ntara ya Cankuzo bagira urudandazwa rwo ku mbibe Uburundi buhana na Tanzaniya, bariko barahabwa inyigisho, mu ntumbero yo kubafasha kumenya amategeko agenga umwuga wabo w’ubudandaji.
Mu nyigisho zari zitabwe n’umushikiranganji w’ubudandaji n’amahinguro Victoire Ndikumana ari kumwe na bamwe mu bakozi b’ikigo kijejwe kwegeranya amakori ya Reta OBR, bakaba basavye abo bapfasoni bacisha ibidandazwa vyabo ku rubibe rwa Gahumo, kumenyera gucisha ibidandazwa vyabo mu nzira zizwi (...)

Abapfasoni bo mu ntara ya Cankuzo bagira urudandazwa rwo ku mbibe Uburundi buhana na Tanzaniya, bariko barahabwa inyigisho, mu ntumbero yo kubafasha kumenya amategeko agenga umwuga wabo w’ubudandaji.

Mu nyigisho zari zitabwe n’umushikiranganji w’ubudandaji n’amahinguro Victoire Ndikumana ari kumwe na bamwe mu bakozi b’ikigo kijejwe kwegeranya amakori ya Reta OBR, bakaba basavye abo bapfasoni bacisha ibidandazwa vyabo ku rubibe rwa Gahumo, kumenyera gucisha ibidandazwa vyabo mu nzira zizwi n’amategeko, eka kandi bakagira n’impusha ndagabidandazwa.

Urwo ruganda rukaba rubaye mu ntumbero yo kurwanya abinjiza ibidandazwa vyabo mu nzira zitazwi, nk’uko vyashikiye bamwe mu bapfasoni bo mu gisagara ca Bujumbura, binjije ibidandazwa vyabo mu mpisho, bigatuma babitwarwa n’abakozi ba OBR kuko vyinshi muri ivyo bidandazwa, vyagaragaye ko vyinjiye bidaciye mu mategeko.

Umushikiranganji Victoire Ndikumana rero, akaba yamenyesheje muri urwo ruganda ko bagiye gutegura izindi nganda nyinshi, mu ntumbero yo guhamagarira abadandaza baba ku mbibe z’ibindi bihugu kwitwararika gucisha ibidandazwa vyabo mu nzira zizwi n’amategeko.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha