Gitega : Umupfungwa yarapfuye arashwe

Umupfungwa wo kw’ibohero rikuru ry’i Gitega yarapfuye arashwe n’abajejwe umutekano bacungera iryo bohero, mu gihe yariko agerageza gutoroka, mu mutwenzi wo ku munsi w’ejo igenekerezo rya 13 Ruheshi 2013.

Uwo yahora apfuzwe yagirizwa ubusuma azwi kw’izina rya Floribert Manirakiza avuka muri iyo ntara nyene ya Gitega, umusozi Rubamvyi, bamurashe ariko agerageza kwurira uruhome mu ntumbero yo gutoroka.

Twobamenyesha ko iryo bohero rikuru ry’i Gitega ripfungiwemwo abanyororo igihumbi mu gihe ryari ryubatswe mu bushobozi bwo kwakira abanyororo amajana ane gusa.